【打工仔辦公室必備】戀上花茶 8杯水冇難度

由一踏入公司大門嗰一剎那,打工仔就已經賣咗身畀公司,用一日嘅精力換取一天嘅薪水。奮不顧身咁做鍵盤戰士,同email搏鬥;仲要打醒十二分精神同老細開會,真係急都唔記得去……何況說好的一日要飲8杯水,邊有時間飲喎。 自從身邊嘅朋友身體紛紛響起警號之後,小編發覺自己健康都係要自己Keep。水係生命之源,幾忙都要飲茶灌水嘅。最近茶店已經去到十步一間,水果茶、台式奶茶、花茶各式各樣,不過去到落單嘅時候,往往有選擇困難,猶豫不決糾結好耐都唔知飲乜好。 因為小編體質比較孱弱,綠茶怕涼、紅茶飲咗又瞓唔著,偶然發現原來香港有D 茗茶品牌用茶藝師配搭出有功能嘅花茶,針對自己身體需要,將飲茶變成隨時隨地都可以做到養生滋補。 其實花茶比起單一嘅茶葉沖泡係冇咁Boring 嘅,早於明朝中國人已經好醒咁開始飲用花茶,有茶味之餘又有花香,將飲茶變得High End 咗。《本草綱目》都有記載:花茶性微涼、味甘、入肺、腎經,有平肝、潤肺養顏之功效。可見飲用花茶,也是一種不錯的養生方式~   【花弄茶依】8種口味任你選   獨立包裝: 黑糖薑棗茶——暖宮,改善經痛,適合長期手腳冰冷人士 元氣滋補茶——安神明目、驅疲勞、補脾胃、護肝腎、烏髮。 紅顏美肌茶——延緩衰老,有助補血養顏,調理氣血,保護尿道。 桂花雪梨茶——滋潤喉嚨,減輕喉嚨痛及咳嗽,舒緩喉部不適。 香茅茉莉茶——去痘去印、美白淡斑去黃,排毒素。 王牌花冠茶——有助調理內分泌、暖宮、滋陰養血、驅虛寒。  玫瑰烏龍茶——阻隔油份吸收、消除疲勞、生津解熱、消炎解毒、消滯去膩、降血脂、抗衰老。 草莓紅茶——芳香提神,消滯可口 。   好氣色由飲茶開始!每天一杯,一日靚心情就一口花茶開始。從此, OL就可以補身兼保水啦!一日8杯水,easy 啦!   **P.S. 花茶要即泡即飲,唔好隔夜呀 ~     飲茶有乜好處? 1、有助抗氧化 茶多酚的抗衰老效果要比維生素E強18倍。係人體自由基嘅清除劑。 2、有助於預防同治療輻射傷害 茶多酚同茶嘅氧化產物具有吸收放射性物質嘅能力。 3、有助於提神醒腦 茶葉P中嘅咖啡鹼能促使人體中樞神經興奮,增強大腦皮質嘅興奮過程,增強思維和記憶能力。 4、有助於利尿解乏 減少有害物質滯留喺腎臟。咖啡鹼仲可以排除尿液中嘅過量乳酸,有助人體儘快消除疲勞。 5、有助於降脂助消化 維生素B1、維生素C都能提高胃液分泌,幫助消化,增強分解脂肪的能力。  
2020-06-08

老豆…你好嘢! 父親節送你好嘢!!

  六月…有一日…你一定會記得。 咁多年嚟就算幾咁忙,哩一日都唔會忘記…… 冇錯,係啦…就係六月…倒數…第二個星期日。     老豆除咗生日之外,最有地位,最有face嗰日咪就係父親節囉。 話晒佢擔起頭家幾十年,做仔女點都要畀D 驚喜佢啦。男人的浪漫唔一定係豆腐火腩飯,有個自己嘅私人空間其實一D 都唔奢侈。之但係你問吓你阿爸,相信打從佢同你阿媽結婚嗰一刻開始,私人空間冇咗、自己時間冇咗、私己錢冇埋…人間悲劇呀…… 講到咁,小編只係想話畀你知,買一份貼心嘅父親節禮物氹吓阿爸真係唔慳得呀。 孝順仔女,送個私人空間畀阿爸唔係咁難,一個無線藍牙耳機等佢悶悶哋聽吓歌仔都唔錯呀! MISSION 全無線耳機GO-X1 SRP   不過要揀好嘅耳機小編覺得先揀廠家係咪做音響出身,因為好多品牌都有signature sound,音色比較有保證。 另外係义完電可以用幾耐,同埋個charging case 夠唔夠輕同型仔。有藍牙5. 0技術可以make sure 手機同藍牙嘅無綫連接得更穩定,同距離更長。仲有最緊要係掛耳舒唔舒服同埋最基本要防水,咁至可以方便清潔。   “煲”耳機小貼士: 講得要“煲”即是要慢火熬,由唔同風格嘅light music煲”起,keep住播一段時間,令耳機振膜彈性去到最佳狀態。等耳機內部結構慢慢磨合。 ▲新車的訓車是為了讓粗糙不平的機件表面進行磨合    (上圖來源:www.autonet.com.tw)    ▲新耳機煲機是為了使耳機振膜彈性達到最佳狀態   原理好似新車落地,新嘅機件表面都會比較粗糙,經過一段時間互相磨擦之後,就會變得平滑順暢。新的耳機冇經過電流刺激,靈敏程度唔高就會容易失真,而且耳機振膜喺剛出廠嘅時候會較硬,黏住振膜嘅膠都比較較緊繃,所以未煲機前,耳機低音頻聽起上嚟都麻麻地,聽唔到details;中音都會flat flat 地;高音頻就大聲咗仲會刺耳D 。     煲機要循序漸進,配合時間同音樂style,基本原則係先小後大、但大音量嘅時候煲機嘅時間就要縮短,同時亦要畀耳機休息。    如果阿爸冇乜研究,你就要代父從軍為其煲機,咁個耳機出嚟嘅每一粒音都sweet 到震啦。          
2020-06-04

「有貨」的母親是幸福的

你估吓……唔記得邊日係情人節大件事啲?定唔記得邊日係母親節大件事啲呢?🤔 小編很肯定話你知係後者。老媽發惡最大件事係佢唔會鬧出聲,而係放喺個心度,然後見到佢屈住屈住嗰啲樣,冷漠嘅語氣加上十問九唔應,要你自行內疚直至低頭認錯為止。   其實阿媽嘅要求真係唔會高,唔會預我哋買貴嘢💝,事關佢哋做咗咁耐人,有乜未見過呀!兼且無論我哋幾多歲都好,佢都會覺得我哋係用緊細路哥嗰時嘅零用錢,用得多好似搣咗佢忽肉咁。   限聚令即將完,到時一定個個都衝住出一圍枱熱熱鬧鬧食飯聚餐🤦🏻‍♀️ 反正前段時間日日都困係屋企,個個都成為隱世廚神👩🏻‍🍳👨🏼‍🍳,依家出街又多人又有危險,不如趁呢個機會小編就決定踩阿媽個場,反客為主入廚房煮番餐佢嘆嘞!🥢🍾🍛🦀🦞🐟🥘     至於送乜嘢畀媽咪就真係好睇佢個style啦…係肥媽、瘦媽、靚媽,真係自己仔女自己捉路。💅🏻 正所謂「女人唔補好易老」,阿媽們似乎對滋補嘅嘢情有獨中,電視近期狂洗腦咁出住各個品牌嘅滴雞精廣告,或者都會係一個唔錯嘅選擇。內在調補之餘,用啱美容品,個人都會容光煥發D。 傳送門在這裡 🤩🤩   嚟緊5月第二個禮拜日就係母親節啦…打工仔冇時間去買禮物孝敬阿媽,唔係藉口囉!🙅🏻‍♀️   為咗唔想大家去領教阿媽絕招,「有貨」已經為打工仔們張羅咗最緊心嘅母親節禮物啦。而且有折有贈品,如果買到某個金額仲可以送埋上門,畀個驚喜佢老人家添。孝心….其實可以好不經意嘅💞   母親「折」最正禮物就在這裡        
2020-05-07

接打工仔地氣嘅eshop 知你忙幫你照顧好身體

香港人有抗疫經驗,個個識自保。 不過今時今日唔係你自保就得,先前已經 有D人惡作劇,喺公共地方播毒,多得佢唔少呀🤮 隨住大批番書仔自四方八面返港✈✈✈,疫情再次嚴峻!打從戴住條手帶就叫家居隔離,呢個咁「神奇」嘅做法真係冇人發現有問題!?🤦🏻‍♀ 隱形個案四處浮遊,終於肯封航啦!too bad, it’s too late la…打工仔遲到可以扣人工,措施遲咗又可以扣邊個人工呢?🤷‍♀🤷🏻   小編激動咗,扯得太遠,講返自保!今時今日,所有打工仔都知道「身外物」唔長久,7折資薪、放無薪假、強職金唔見一大截,so what❗❗最緊要保住條命仔! 所以喺哩個時期,必須要內外自保同自補💪🏻💪🏻💪🏻   外在靠抗疫三寶,口罩😷搓手液、消毒紙巾🧻,作為一間接地氣嘅eshop ,「有貨」一早已經撲齊Fans一早柯打曬😗😗😗 之不過自身抵抗力都不容忽視呀!   📌📌如何增強免疫力📌📌 1.夠瞓💤💤:好多人都work from home,生活要保持規律唔容易,不過足夠睡眠始終都係增強抵抗力嘅第一步。 2.堅持鍛煉身體🧘🏼‍♀:機器唔郁會生鏽,人唔做運動筋骨關節好易出問題,所以家居伸展運動不能缺少。 3.多飲水🥛:六至八杯水有助排毒,呢啲人人都聽過,不過有幾多人做到? 4. 曬太陽☀:OL會擔心曬到黑蚊蚊,不過適量咁曬太陽可以促進身體內鈣嘅吸收,從而提高免疫力。 5.注意飲食:人人都知吸收維他命、均衡飲食,不過,朝9晚7,顧得份工嚟仲邊得閒顧飲食。 所以酵素可以係大家嘅選擇!   📌乜嘢係酵素?📌   酵素可以由米嘅胚芽、大豆、蔬菜或水果,加入係乳酸菌或者酵母經發酵而成。當中含有氨基酸,異黃酮、抗氧化物等,可以抑制腸道裏面嘅毒素。 酵素唔係成藥,佢係由改善人嘅體質入手,食用之後,不適嘅症狀有機會發出嚟,而唔係壓抑落去。習慣飲用酵素,會令人體血液轉為弱鹼性,對容易疲勞嘅打工仔可能會有D 用。 有人話酵素可以針對代謝減慢而導致肥胖嘅人,幫助活化細胞、促進新陳代謝咁神奇,單係酸酸甜甜嗰種清新感,小編覺得都值得一試。   人生係一場又一場嘅仗,養好個身體,打敗病毒,香港人先至有翻身機會!   有貨一剔過, click入去了解吓啦 👉🏻請點我 SD1000 👉🏻請點我 SD2000 👉🏻請點我 SD3000    
2020-03-26

抗疫期間全面復工 在職媽媽內外夾擊 點樣可以求個安心

🦠🦠新型冠狀病毒爆發超過一百日,打工仔為兩餐可以講得話奮不顧身,迫巴士迫地鐵,繼續發揮拚搏精神,逆境自強。💪💪 在職媽媽喺疫情期間,變身成為super woman!今時今日唔止要照顧好一家人個胃,仲要睇住屋企上下係咪有足夠物資應付疫情… 嗱嗱嗱…「物資」嘅定義可以好闊好抽象喎!經歷盲搶廁紙之後,屋企個工人根本幫唔到手,原因????超市冇貨佢哋已經hang咗機。 在職C9惟有發揮小宇宙,趁住lunch time互通消息,齊齊上網排queue入貨。   一個全能網購師奶就是這樣煉成的。   講真,美國人話戴口罩冇用,你係咪真係夠膽唔戴先?? 一話428有可能復課,super woman即刻盤點阿仔阿女👶👶口罩搓手液夠唔夠貨,保護冇人嫌多,見到人人口罩以外再加個隨身負離子空氣淨化器,C9們一定做足功課研究下佢係咪work,然後買個畀小朋友返學旁身,求個安心啦。   其實淨化器嘅原理好簡單,負離子係空氣中嘅負氧離子,係大自然裡面存在嘅空氣粒子。香港人多車多地盤多食店噴出油煙又多,生活環境充斥住花粉🌸、細菌🦠、飛沫💨,所以香港人鼻敏感同呼吸道問題都好常見 人群之中一個乞嚏細菌將空氣染污,唔覺意吸入好易中招。喺疫情期間,我哋更加想淨化身邊空氣,負離子會以正負相吸嘅原理,吸附細小嘅微粒同污染物,變成更大嘅粒子咁咪會沉降跌落地面囉。要做到淨化就要將剩餘嘅病毒粒子分解成為二氧化碳同水,淨化你所吸入嘅空氣。 哩個非常時期,坊間好多唔同品牌嘅隨身負離子空氣淨化器湧出市面,作為精明靚太,緊係要有一個輕身又fashion嘅跟身啦。復課在即,仲要張羅返一個畀小朋友添呀!   有貨一剔過, click入去了解吓啦 👉🏻請點我   復課在即,「有貨」真係有貨啱你買 👉🏻請點我
2020-03-12

✨丁方消毒綿,原來係殺菌高手!✨

無論你想又好,唔想又好,除咗屋企張床之外,打工仔逗留最耐嘅地方就係辦公室嘞!不過辦公室最具有殺傷力嘅除咗你老闆、一眾擦鞋精同埋篤背脊手袋黨之外,最防不勝防嘅就係我哋肉眼睇唔到嘅細菌啦! 辦公室人咁多,唔係個個同事都有衛生意識,越多人共用嘅空間越係細菌溫床之地。當中仲有大腸桿菌同金黃色葡萄球菌添喎!   辦公室細菌專區⚠️⚠️ 茶水間水龍頭 微波爐掣 電腦鍵盤 冰箱門 飲水機開關 自助汽水機   手機螢幕含菌量分分鐘高過個馬桶   公共地方就要大家共同維護,咁自身物品你又知唔知一樣咁高危呢? 你日日用嘅智能手機螢幕上面嘅細菌數量,竟比馬桶座位高出三倍。 英國《都市報》報導,手機保險公司「Insurance2go」隨機測試三款不同品牌手機螢幕上的細菌數。包括打工仔常用嘅蘋果、三叔在內,結果顯示無論係邊一個牌子,每部手機都佈滿黴菌(mold)同細菌。其中,螢幕上嘅細菌量最為驚人,三部螢幕合計,共測得每平方公分254.9個細菌單位,平均一台螢幕就有84.9單位,比起馬桶座位平均24個單位,整整超過三倍以上。 日常最多觸摸到含菌量超高物品: 拍卡式電子ID ( 八達通、信用卡、staff card) 每平方英寸含462萬個細菌 電腦keyboard鍵盤 含354.3萬個細菌 手提電話 含160萬個細菌 電腦滑鼠 每平方英寸含137萬個細菌 寵物玩具 每平方英尺含1.9萬個細菌 馬桶廁板 含172個細菌 筆 含51個細菌 沖廁手柄 含30個細菌 錢 含5個細菌 **資料來源:美國俄勒岡州的CBT Nuggets公司(IT培訓網站) 以我哋一日平均碰觸手機螢幕3,000次,但係有幾多人有清潔手機嘅習慣呢?專家建議,如果想有效杜絕沾上細菌,最好每星期消毒一次。 📣📣📣📣📣📣📣📣📣📣📣消毒防疫好幫手   要隨時隨地消毒細菌,哩件法寶就幫到你!小小一張醫學酒精棉,方便擕帶,內含70% 酒精溶液,唔會傷害皮膚表面,有清潔、消毒、抑菌作用。而且酒精棉Size岩岩好,可以用嚟抹電話、抹眼鏡、抹電腦💻/鍵盤⌨/廁板🚽/手錶⌚,同埋家居儲塵嘅暗位,帶出街又唔洗浪費大大張濕紙巾💯,即用即棄。 💪🏻求人不如求己,做好個人衛生,先至係自救方法。哩個時間,小朋友就話放假啫,大人復工,出出入入都係勤D消毒至為上策!
2020-03-04

成日用酒精消毒好傷皮膚?!帶你了解台灣不含酒精搓手噴劑

武漢肺炎由爆發去到依家,香港人心惶惶,大家都唔想2003年SARS重演😭,於是個個做足防疫措施!除咗每日必戴口罩😷,仲會使用各種含有酒精成份等產品嚟消毒雙手,對抗病菌。 有專家曾表示消毒酒精可抑制細菌滋長,雖然濃度愈高殺菌效果愈強,但其實我地呢啲一般打工仔嘅日常使用接觸,未必需要用到太高酒精濃度成份嘅消毒用品,一般去到70%濃度都足夠。 但其實你哋又知唔知太過頻密地使用含有高濃度酒精成份嘅產品好易傷及皮膚!市面上嘅大部分酒精搓手液都有基本保濕成份,能持久地保護皮膚,但由於酒精濃度高於70% 之後,雖然能殺菌,但也會帶走皮膚嘅脂肪及一些組織成份,對皮膚嘅屏障會造成較大傷害。 如果本身有濕疹,過敏體質傾向嘅人士嚟講,用後或會出現紅腫、脫皮等情況。」 亦有皮膚科專科醫生指出,近月因手部濕疹嘅問題前往求診的人比平日多了 六、七成,大家又要擔心武漢肺炎,又要擔心用得太多酒精消毒會引發皮膚問題。特別係好似我呢啲本身皮膚易敏感嘅小可憐👧🏻,掂親啲酒精都會敏感泛紅痕癢😔!依家都要周圍撲啲聲稱不含酒精等致敏成分嘅殺菌消毒用品 。   🤢“幾時先係盡頭呀!!” 😳就係我都愁緊點樣又可以保護皮膚唔受傷害之際又可以有效殺菌嘅時候,佢就出現咗 !! C-Force 抗菌消毒搓手噴劑100ml 👉🏻👉🏻 購買點這裡 呢枝係嚟自台灣製造嘅抗菌消毒搓手噴劑,一枝不含酒精、無色無味、溫和配方不刺激雙手以及 大人小朋友連寵物都適用?!!!   😱“堅定流?” 🤫唔好懷疑,人哋點解咁有自信講呢番說話,係因為人哋嘅產品經過好多層安全測試: 通過國際安全測試:皮膚、眼睛無刺激性;皮膚無過敏;口服無急毒性 經台灣SGS認證:抗菌、除臭、防霉、不含重金屬    C-force抗菌消毒產品採用嘅原材料主要係應用在衛生要求最高的醫療、食品加工場及災後防疫工作消毒,產品含四級銨鹽有效成份,能直入滲透及黏附細菌外膜,破壞細菌核心組織從而殺菌。100%台灣製造信心保證!   🤭呢個產品最吸引我嘅係 不含酒精同埋大人小朋友寵物都適用!! 唔好話我呢啲敏感肌人士一掂酒精就敏感喇~ 啲小朋友都皮嫩膚薄,成日接觸酒精消毒產品都容易有機會引致皮膚敏感,嚴重者會引起濕疹。   呢個對於我哋呢啲容易敏感人士簡直就是抗疫恩物!!  隨身帶住。噴係手消毒又得,噴係周圍環境消毒又得!!   🤤Oh Yeah, 得咗!!      
2020-02-27

油……醒神的一刻始

👨🏻‍💻打工仔,由朝對住部電腦一日起碼十個八個鐘,就算肺疫期間話就話home office, 咪又係對住個鍵盤狂覆e-mail📧,加個電話whatsapp 失驚無神叮叮叮📱💡,唔蹦蹦聲覆又怕老細話你偷懶喎,結果去到放工一刻,打工仔們獲得一日工資之外,仲會獲一身肩頸膊痛。真係謝主隆恩。🤷🏻‍♂   喺平日,可以約去做個facial 揼個骨,但今時今日疫情嚴峻,根本唔會四圍走搵命搏。如果你有honey 嘅都可以嗲兩聲有人幫你揼兩吓,但哩個世界求人不如求己!喺哩個時候,你就會明白有一支啱駛啱用嘅〝油〞看門口勝過千言萬語。🤫   不過唔同人有唔同用油嘅style。有人鍾意用香薰油,什麼佛手柑、香茅油、鼠尾草、羅勒精油等,溝下溝下,溝出一種舒心安寧嘅個人配方。近日仲有人話用茶樹油加天竺葵係超級殺菌嘅黃金拍檔,結果換嚟全城瘋搶,一度缺貨。而薄荷油、薰衣草同茶樹就係肩膀按摩嘅長勝將軍。之但係一支底油加幾樽仔精油加埋一D 都唔平。   至於阿媽甚至阿嫲嗰代,冇咁多花臣,只係得一支藥油走天涯。便擕裝家庭裝,十幾蚊已經夠晒你看門口。   唔講你唔知,好多藥油其實都係新加坡特產,甚至好多人仲會買嚟做手信,可以講得話係送禮佳品。至於哩D 萬用油,唔講你會唔記得,一講…所有親切感返晒嚟!   驅風油 哩隻驅風油無論packing 同個名都夠晒經典,80年老字號歷久不衰嘅原因可能因為獨門秘方!話說創辦人梁潤之先生喺1928年由中國移民到新加坡發展,喺一次巧遇中獲得德國醫生Dr.Schmeidler傳授嘅藥油配方,而哩個配方非常適合熱帶潮濕地方常遇到嘅疾病,好似頭痛,傷風感冒,蚊蟲咬傷等。早前佢仲獲新加坡《聯合早報》及《海峽時報》選為「最愛獅城老字號」中嘅第一藥品。 哩隻驅風油味道好啃,因為有薄荷油、樟腦油,遇啱發熱,噴嚏、咳嗽等症狀,都有明顯嘅減輕作用,有效率高達 95%以上。 打工仔做做到頸肩痛,不防try try 。 鐵樹油 都係天然嘢,鐵樹萃取,好多老人家會用嚟搽香港腳,主婦手。   萬金油   嗰陣肉桂味,聞一聞的確醒神,搽完嗰陣溫熱感就算未必可以即時舒緩痛楚但總有D舒緩肌肉嘅作用嘅。   紅花油 哩支紅卜卜嘅紅花油係對付手腳酸麻痺痛嘅高手。   白樹油 蚊蟲叮咬,皮膚瘙癢,新加坡人真係用佢滴幾滴攪掂晒。   鱷魚油 鱷魚油係鱷魚脂肪提取而成,聽講對傷口癒合、淡化傷疤,勁到去黑斑都得喎。   老土D 講句,打工仔為兩餐工作超時好常見,但多運動先至係治本嘅方法。哩後時期人同人已經好少見面溝通,大人細路踎喺屋企悶到變化石,不妨出走去郊外行個圈,呼吸吓新鮮空氣,拉吓筋踢吓腿,心情開朗,個body自然fit 爆啦!
2020-02-25

告別水煮雞胸肉! 帶你了解即食雞肉嘅百變餐單

水煮雞胸肉嘅地位,相信無論係健身新手或者減緊肥嘅你🏃🏻‍♀💦,都一定知佢係健康餐單中根本就係神一般嘅存在。 想增肌? 食水煮雞胸肉! 想減肥?都係食水煮雞胸肉! 而對於一眾又想健康又冇時間嚟打工仔嚟講,做嘢都已經好辛苦,仲要為咗健康食到咁Dry!😭😭 🤔 “喂!大佬,咁樣唔掂喎!”  聽到一眾打工仔嘅心聲😏,我哋為大家搵到一款既健康又多口味選擇嘅健康食物—-即食雞肉飯+即食雞肉腸! 就係嚟自日本品牌🇯🇵PROFIT® Sasami嘅雞肉腸 同埋即食雞肉!! 告別傳統嘅無糖無油煮食方式,即食雞肉既有雞肉本身含有嘅高蛋白質、低脂肪以及低膽固醇,又有多種口味像是黑椒味、檸檬味等豐富你嘅味蕾,唔Dry又健康!   但係對於追求生活平凡得嚟又希望有多姿多彩嘅打工仔嚟講,我哋又點可以俾你日日都食同一樣野呢? 以下向大家介紹幾款,簡單得嚟又易做嘅即食雞肉百變餐單!! 多數食材都係超級市場或者7仔OK都可以買到!係屋企係公司都可以整到!!   1.雞肉沙律 食材:即食雞肉一份、沙律菜一份 做法:即食雞肉放入微波爐叮 1分鐘加一加熱,將整塊雞肉切成塊狀 , 然後再將雞肉同沙律撈埋一齊。    2.雞肉雜豆通粉 食材:即食雞肉一份、適量通粉、雜豆(你自己食得幾多就落幾多) 做法:先煲水,水滾後再將通粉雜豆一齊放入水中煮熟,將雞肉放入微波爐叮一叮翻熱。待雜豆通粉煮熟後再撈起佢地放入碗,之後放埋雞肉落去,再加以少量黑椒粉調味。   3.雞肉芝士三文治 食材:即食雞肉一份,方包兩塊,芝士片一片 做法:將常溫版的即食雞肉取出撕成絲狀,平均地鋪係一塊方包上,然後再鋪上一塊芝士片,放入微波爐叮 30秒,取出即可食用。    4.雞肉飯糰            食材:即食雞肉一份、飯半碗(白飯/糙米飯都得) 做法:將飯同即食雞肉放入微波爐加熱後,將雞肉撕成絲狀,用飯包住佢,再加以搓成圓形或你鐘意既形狀,即可食用。   5.雞肉意粉 食材:即食雞肉一份、可微波意粉一份 做法:即食雞肉放入微波爐叮 1-2分鐘翻熱,可微波意粉放入微波爐叮 3-5分鐘翻熱。取出後放埋一齊,食得!   以上都係幾款簡單又快捷嘅餐單。大家都可以發揮自己嘅小宇宙,創出更多嘅百變餐單!健康又有趣嘅生活由有貨帶俾你!!  
2020-02-25